жақсы бастама екен, сәт сапар, марфуға, кітап оқудан қалған мына заманда бұл да бір насихат түрі

әмірханмен бір кабинетте отырып, жұмыс істедім, телегей теңіз білім иесі еді жарықтық

кезінде "қазақ әдебиеті" газетінде "кітап сөресінде өрілген өмір" атты мақалам шығып еді, кітапқа құрметпен қарайтын және оны жылдап ерінбей-жалықпай жинайтын адамдар некен-саяқ

ешуақытта сәннен қалмауы тиіс мода. қазір электронды нұсқасымен сақтайтын шығар, бірақ толымды көзге түсіп тұрмағаннан кейін адам бәрібір ұмытады

Білімді сүю, кітапқа деген құмарлық қазіргі кездегі дүниеге құмарлық сияқты бола ма деп қалдым. Осы видеомақаланы көріп, марқұм өзімнің туған /жүрналист/ ағам есіме түсіп кетті. Ол қалтасындағы соңғы тиын-тебенін кітапқа жұмсап, кейде түстік іше алмай келетін. Шешем марқұм: "тамақ ішпей, кітап алыпты. Асқазаныңды бұзасың",- деп күңкілдеп жүретін. Біздің үйде бір бөлме кітапқа толы болатын. Қазақ, орыс тілінде шамамен 2000 жуық кітап бар. Есігін құлыптап қоятын едік. Менің екінші ағам да журналист еді. Ол кісі де кітап жинайтын. Барлығы о дүниелік болып кеткенде, шешем өзі дүниеден өткенше, сол кітаптарды көзінің қарашығындай сақтап келді. Қазір де сол кітапхана бар. Қажет кезінде сол кітаптарды ақтарамыз. Парақтары сарғайып, ескіріп кетсе де, ішіндегі телегей-теңіз білім ескірмейтіндей болып көрінеді. Жалпы, кітапқа, білімге деген құмарлық адаммен бірге біте қайнасып, өмір бақи, өле-өлгенше сақталып қалатын сияқты. Электронды нұсқа деген жақсы шығар, бірақ біз сияқты жасы ұлғайғандар үшін кітаптың орны бөлек. Жастанып жатып оқығанға не жетсін, шіркін?!

кітапты бір уақыт күн ашық кезде бір-екі күн далада желге, күнге қақтырып алу керек, бетінің сарғайатыны дымқыл шалғаннан болады. тез тозады

Соларды көзіміз қиып өткізе алмайтын сияқтымыз. Себебі, әрбір кітапта ағаларымның қолтаңбасы жатыр. Көбісі әдеби кітаптар, әдебиет пен қазақ тіліне байланысты ғылыми кітаптар, сөздіктер. Сол кітаптар кейінгі ұрпаққа /біздің бала-шағамызға, ағаларымның бала-шағасына/ әлі азық болып келе жатыр. Кейбіреулері тіпті бірегей /уникальный/ баспалар. Енді ондай кітап шыға ма, жоқ па, белгісіз. Иә, Саттар дұрыс айтады. Жаздыкүндері есікті ашып, бірнеше күн желге қақтырып, орындарын ауыстырып қояды балалар. Тілектестіктеріңіз үшін баршаңызға рақмет! Ағаларымның алды - пеіш, арты- кеніш болғай!