Ютубте кітап туралы каналым бар екенін барлығыңыз жақсы білесіздер. Ондағы әңгіме тек кітап туралы. Рамазан айы келгелі каналдың жұмысы сәл тоқтап тұрған. Өйткені, қасиетті айда ең ұлы кітап - Құран туралы бір видео түсірмесем, ұят болар еді. Міне, кеше сол олқылықтың орны толды. Қысқасы, жаңа видеомды қабыл алыңыздар :)

Менімен жұмыста тамаша бір ағай істеді. Мінезі де көркем, жұмысы да тыңғылықты, намазын да қаза етпейтін сондай бір жақсы кісі болатын. Әйелін де танитынбыз. Редакцияға жиі келіп тұратын. Ол кісімен де тез тіл табысып кеттік. Бірақ сол бір әдемі жұп баяғы ертегілерде айтылатындай бір перзентке зар болды. Ортада сыйлы болған соң ба, бәріміз жақсы көрген соң ба, редакциядағы бәріміз іштей де, сырттай да олардың сәбилі болуына тілекші едік. Менің өзімнің есіме намаз кезінде басқа емес, сол ағай түсетін де, ерінбей дұға ететінмін. Сөйтіп жүргенде, екеулерінің шаңырақ көтергеніне 10 жылға жуық...

Америкада екі әйел қатар, бір уақытта босаныпты. Біреуінде ұл, екіншісінде қыз екен. Медбикелердің жауапсыздығы ғой, біреуі екі нәрестені ауыстырып алыпты. Ендігі жерде екі әйелдің арасында дау пайда болып, екеуі де "мен тудым" деп ұлға жармаса беріпті. ДНҚ анализдерінің де бір-біріне қатты ұқсас болғаны сондай, айырып бере алмайды. Қай баланың кімдікі екенін ажырата алмай абыржыған дәрігерлер бұл жағдайды басшылыққа айтады. Ал басшылықта отырған дәрігер "Бұл мәселенің шешімін бір білсе мұсылмандар білер" деп, Сауд Арабиясындағы бір мұсылман ғалымына телефон шалады. Екеуінің арасындағы әңгіме...

Осыдан екі ай бұрын islam.kz порталының блогплатформасынан тамаша бір жазба оқыдым. Ол Данияр Жігітбек бастаған жігіттер тобының уатсаппен Құран хатым етуді қолға алып, Құранды - Раббымыздың сөзін күнделікті өмірлерінің бір бөлшегіне айналдыра бастағаны еді. Уатсапта топ құрған жігіттер екі ай сайын әрқайсысы жеке-жеке Құран хатым етіп отырады. Ол топтарындағы әңгіме тек Құран туралы болады. Күніне 10 беттен оқып, әр кеште есеп береді. Жазбаны оқыған менің көзім жайнап кетті. Жасырып не керек, "әне оқимын, міне оқимын" деп жүріп, Құранның беті ашылмағанына біраз болған. Арамызда Рамазаннан...

Түсімде Алла тағаланы көрдім. Одан: "Уа, Раббым! Саған бізді не нәрсе жақындатады?" деп сұраған едім, Ол: "Менің Құранымды оқу" деп жауап берді. Мен қайтадан: "Түсініп оқу ма, жоқ әлде түсінбей оқу ма?" деген ем, Ол: "Түсініп оқу да, түсінбей оқу да" деп жауап берді. Бұл - Имам Ахмад ибн Ханбалдің түсі. Ма ша Аллах! Ізгі адамдар ізгі түстер көреді ғой. Бұл жазбаны қойын дәптеріме Ғазалидің "Ихия ғулумаддинінен" осыдан бір жарым жыл бұрын жазып қойыппын. Бүгін дәптерімді парақтап отырып, осы жолдарды оқып, Алла тағаланың бізге жасаған жеңілдігі мен шексіз мейіріміне тағы бір шүкіршілік...